My Noointjie lief
Vreugde Vonkies,
                          Liefde lonkies
Straal uit ogies blou.
Liefde liggie,
                          Skoon gesiggie
Met jou ogie blou.
Lippies liefies,
                          Harte diefies
Sag en soet en rooi.
Reine noointjie,
                          My klein noointjie,
Lief, beminlik, mooi.
Lisplend laggies,
                          Soet en saggies
Laggies net vir my,
Mooie noointjie
                          Jy’s my noointjie;
Noointjie lief is jy.
Geskryf deur Joffie Janse van Rensburg op 12 Desember 1941